حان موعد الرعب 👻 #ابنه_الشيطان!!!!!!!

حان موعد الرعب 👻
#ابنه_الشيطان
انا شمس .. قصتي يمكن ناس يشوفوها حقيقه .. ويمكن يشوفوها مبالغ فيها .. ويمكن ما يسدقوها  .. من حقكن .. انا بعرف منيح بس مافي ادامي غير انو احكيها .. ما ضل مني غير قصه ودعاء كل ليله بدعيه .. ياااارب



البدايه هنيك .. زمان من فتره طويله .. حتى قبل ما اولد
عليتي عيله صغيره .. متوسطه .. امي قبل ما تتجوز ابي كانت متجوزه قبل هيك وبعدها توفى زوجها وتزوجت ابن عمها الي هوه ابي .. بس جابت من زوجها الاول .. بنت .. سمر
سمر اكبر مني ب ٤ سنين .. طيبه وهاديه .. وكل الناس بتحبها وبابا عمرو ما عتبرا غير بنتو ..
كلن بحبوها الا انا .. كلن مخدوعين تقريبا الا انا
لانو كل الي انا فيو بسببها .. لانو القصه بلشت عند سمر 👏🏻
#ابنه_الشيطان .. الجزء الثاني
الحياه ماشيه طبيعيه .. وانا هيه متل كل الاخوات نتخانق ونتصالح .. كل اسره فيها مشاكل .. شي طبيعي ..
هيه اختي صح بس انا بكرها وبخاف منا .. ما تسألوني ليش ..
من بعد ما هيه صار عمرا ١٨ صار يتكون عندها طبع غريب .. كان باي موضوع بيني وبينا وبنص الحكي بحسها عم تطلع ع غير شي وبتحكي مع يلي حولي ومع الحيطان وبتضل عم تركز فين .. وما كنت فهمانه شو هاد غير انو تجاهل لالي وتخانقت معا كرمالو
لحد ما مره اختلف التجاهل شوي .. بلشت تعمل شغلات غريبه ..وهي عم تعمل شغلات غريبه ع الحيطه يلي وراي .. تشخبط وتعيط وتعمل صوت القطط وتحاول تحول عيونا كتير وبالاخر تهز جسمها لادام وورا ويطلع منها اصوات غريبه
المفروض هي اختي .. وانا شايفه الحكي ادامي😅
بعدها لما هديت رحت عند امي وابي وقلتلن .. بس ولا كاني قلت شي .. والموضوع ما بقا مره .. صار عشرين مره .. لدرجه صرت اقرا ع الانترت وقلت هي حاله من حالات الصرع
لدرجه رحت عند امي وقلتلا المفررض تخافي عليها عم قلك فيها شي .. بس ولا كاني في شي
المهم تباعدت عنا وصرت ما حاكيها وما بقا طلع فيها لانو بلشت خاف .. حاسه بتكرهني متل ما بكرها 😅👆🏻
مره دقت علي الباب وشفتا جاي .. حابه تاعد معي وصارت تحكي عن الدراسه .. بس انا كل حكي كان بحذر شديد .. ولما طلعت فيني وقالتلي انا عم حاكيكي ليش ما عم تطلعي فيني؟
انا توترت وقلتلا لا لا ولاشي .. توترت وبلشت هيه تعمل نفس المواقف كل مره .. لكن هل مره كان متخلف شوي .. سمر صارت تصرخ ووقعت ع الارض متل كانو عم تتكهرب
صارت تحكي لغه صعبه بصوت عالي وتبحلق ب عيونا وتأشر ب اصبعا ع الحيط .. وتتنفض بالارض وانا صرت خشبه ما عاد اعرف اعمل شي .. المره اهلي اول مره بيجو عم يركدو وصار يفيقا وشالها وحطا ع تخت
وقررو يعرضوها ع دكتور
#ابنه_الشيطان الجزء التالت
طبعا التشخيص الصح الي كان لازم نسمعو انو يكون عندها حاله من حالات الصرع  .. بس قال انو سمر سليمه ومافيها اي شي 😅 ورجعنا ع بيت
بابا قال .. نجيب شيخ ... امي رفضت وقالت لاروح ع دكتور تاني وبس
سمر مريضه .. هاد حكي ماما .. بدأت تتغير وكلامها يقل ومعنا ما عادت تأعد ..
في شي مو طبيعي مو قدران اعرفو .. انها تطلع ع حيطان .. صوات .. صريخ .. وتضل ساكته .. وبعدها تصررخ
قررت اسالها فيوم عن الموضوع واذا هيه حاسه ب يلي عم بصير فيها .. كان شتا برق ورعد
كان عندي جامعه تاني يوم .. عملت حالي عم ادرس وبعرفها موجوده بالغرفه .. دقيت ع غرفتا .. بس قبل ما ادخل كان في ضو كتييير ضعيف من غرفتا .. صرختلا سمر .. بس ما ردت .. مره وتنين وتلاته ما ردت .. بعدها صرخت .. طبعا كان لازم ادفش الباب وادخل بس ما عملت هيك مو عرفان شو اعمل😅مستني اشوف شو اخرتها اذا ح تعمل شي تاني .. ما لحقت استنى كتير
سمعت صوت رجال عجوز عم يصرخ شمس واصوات رجال عم تصرخلي شمسسس وبعدها قطط تنوي ورجال كبار وتقول .. لازممممم ..
انا طبعا ما حسيت بشي غير انو هدول كلن الاصوات  مو من اختي
بدي ادخل بس خايف😅 كان بابها قديم والو قزاز من فوق واول ما حاولت اشوف شو في .. تكسر كل القزاز .. ورجع الاصوات من اول لجديد .. عجوز عم تقول .. الاب .. شمسسس
بهل لحظه لاقيت من محل القزاز يلي نكسر وش😅😅اي وش شخص
هوه مو كلب بس شي قريب من راس دب اسود
وعم بطلع فيني بس هوه مانعني شوف الي جوا
وانا طبعا مو مستوعبه شو عم يصير ومو طالع مني غير استغفر وبس
الوش رجع لورا .. ما ضل غير الصمت
قربت ودخلت ع غرفه .. الغرفه كانت صعب انو طلع فيها
الحيطان سودا .. مو مدهونه اسود .. متل كانو الحيط اصلوووو اسود .. ريحه الغرفه متل ريحه المقبره وكل الكراسي راحت .. وفي بس تخت وخزانه مكسره .. طبعا مو غرفه اختي ابدااا
المرايه مكتوب عليها رسمات ب قلم احمر واسود .. بس كان المرايه فيها مسمار من غير ما تتكسر المرايه .. كانو مرايه من خشب .. كان عليها شنتا .. لما قربت .. اكتشفت انو مو شنتا .. كانت قطه سوده ميته😅كانت ميته بهل وقت لانو وقتا نزل منا نقط دم ع مرايه .. سمر مو هون .. والي ع تخت ست ختياره .. سمينه وطويله وشعرها اسود .. وشها كتيير بيشبه وش اختي بس عيونا بيييض .. ما شفت لا ايديها ولا رجليها .. ومتل كانو عم ترجف وتطلع فيني .. وفي تحت التخت كمان اشكال بيشبهوها وعم بلفو حول التخت .. بعد كل هاد ما كان ادامي غير اطلع وافيق بابا ليروح يشوف واخدتو ..
دخلنا ع غرفه .. الغرفه متل ما هيه ضلت بس الختياره راحت والي كانو تحت التخت راحو .. ويلي كانت ع تخت اختي😅 اعده بنفس الطريقه وبتتحرك نفس الحركات متل عقارب الساعه رايحه وجاي .. ماسكه بايدها شي متل علبه فيها عاروس بتلف .. عم تطلع فيها كتير .. ما كانت عم تطلع فينا ..بابا شغل كل الاضويه بالغرف .. بابا صار يضرب اختي ويقلا شبك شبك .. بس ما صار في شي
ماما قالتلو صار لازم ندخلها مصح ..بس انا قلتلا الموضوع اكبر .. ماكنت سمر الي ع تخت
بس اهلي ما سدقو
واجا الصبح وهيه ضلت متل ما هيه
اجو المصح لياخدو اختي .. ما رضيت تروح معن
بس لما حاولو يطالعوها .. بس صارت تطالع اصوات متل اصوات اوووول مره 😅
هيه ما عم تطلع بللي جاين ياخدوها
وبهدوء شالوها وهيه بهدوء قامت معن لوقت ما وصلت لباب الغرفه ..
#ابنة_الشيطان الجزء الرابع
صارت تصرخ بصوت عالي
هل مره بلشت افهم انو عم تقول .. (بابا وبيتي ..) كان في ٥ عم بطالعوها .. كل اهتماما العاروس الي كانت ب ايدها
انا شديتها منها بالغصب .. هيه تجمدت وطلعت فيني بطريقه رعب كتير وسكتت
وطلعت معن ب هدوء تاااام
الصندوق هوه السر؟؟؟ كل نظراتا علي .. راحت معن .. دفنا القطه .. بس العلامات من الحيطان ما راحت ولا لون الاسود .. قفلنا الغرفه ل ما حدى يقرب منا
ستنينا ايام اي خبر من المصح وع يوم ١٠ اجانا خبر انو
 سمر ماتت😅😅😅
فتحو عليها الغرفه لاقوها دابحه حالها .. الاطباء قالو انو المنظر كان مرعب ما حدى قدر يدخل .. اخدوها وطلبو من بابا يستلم جثتها .. خبر موتها صدمنا .. بعرف كان فيها شي مو طبيعي بس مو لدرجه تموت .. عملنا العزى ودفناها وضلت غرفتها مقفوله وما حدى قدران يدخل ..
سنتين عدت مافي شي عدى .. بس دايما بشوف كوابيس ع ست العجوز يلي شفتا بوقتها بغرفه اختي .. بلشنا ننسى كلنا
بعمري ما نسيت نظرتا وهيه طالعه من البييت كانت بتموت  كلها رعب
بيوم بابا اخد ماما وطلع .. ورفضت روح معن وياريتني ما رفضت 😅